حطهــا ببالك راســي ماينكسر

من طرف **عشقي المناصير** الجمعة مارس 21, 2008 7:24 pm

أبشر ترى جاك الجفا وجاك الصد كله
بهجر أنا دنياك وبيتك خلاص بجفيه

حطها ببالك راسي ماينكس غير لله
ولو ينكس لغيره بيديني اقطعه وارميه

بروح عنك ودربي بعد هاليوم لاتدله
مثلك أنا أعوفه ومابيه مابيه مابيه

تبغاني اساير كيفك أنت مجنون ياعله
راسي ولو طال ظلم الزمن لاتفتكرني ابحنيه

أنا عزيزة نفس وماأعيش بمذله
قلبي وهو قلبي لو ذلني لاانزعه واعطيه

صحيح احبك بس خل قلبي اليوم خله
بدوس على قلبي ومن شاف نفسه ماأبيه

أنا وفي وحرام مثلك أزبن تحت ظله
فيني ثمر الوفا وجاحد مثلك حرام يجنيه

مزروع فيك الكبر وتبغاني بدموعي ابله
الكبر لله سبحانه ومثلك أنا اموت ولا ابكيه

أما أنا مزروع فيني من الورد روز وفله
ورد جميل وماأظن أنك أنت صرت راعيه

جاني سؤالك ورديت اليوم فيك حله
ماهو ترى مثلك يجيب قلبي ويوديه

هذا كلامي وأحفظ عني بس هالجمله
من باعني برخيص ببلاش ماأشريه