والناس تعرف بالطبايـع والأفعـال

يا رجل لا تنقـل نبـا كـل نقـال
به ناس حتى الميت مـا يتركونـه
والقيل عندي له مفاتيـح وأقفـال
معناي ما كـل العـرب يفهمونـه
ولا أقول أنا زايد على كل رجـال
كم واحدٍ ما يقصر العـرف دونـه
خص الرجال اللي يجيدون الأمثال
البيت عن معنـاه مـا ينقصونـه
أخص لي ناسٍ يحوسون الأقـوال
البيت لو هـو معتـدل يكسرونـه
لو هم كبار أعمار بالعرف جهـال
ومن عمي قلبه ماتفيـده عيونـه
وان شفت لي شخص خيالي وخيال
ما اشفق عليه ولا تدخل بشونـه
ينبيه عن حظه تواريـخ الأجيـال
يجهل خبر والنـاس مايجهلونـه
يشوف نفسه وين ما مثله أمثـال
ترميه بأحضان الجهالـة ظنونـه
والناس تعرف بالطبايع والأفعـال
واللـي تعـزه سمعتـه يمدحونـه
والماء يجيبه عذب ويجيبه احثـال
والكون به من كل كايـن نمونـه



لشاعر / بدر بن عواد الحويفي الحربي

يسلموووو ع القصيدة

تسلـــــــــــم عالمرووووور خيوو